2015 جىلعى 11 ناۋرىز, استانا, ۇكىمەت ءۇيى
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى
«2015 – 2017 جىلدارعا ارنالعان رەسپۋبليكالىق بيۋدجەت تۋرالى» 2014 جىلعى 28 قاراشاداعى قازاقستان رەسپۋبليكاسى زاڭىنىڭ 15-بابىن جانە «2015 – 2017 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 11 جەلتوقسانداعى № 1300 قاۋلىسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭنامادا بەلگىلەنگەن تارتىپپەن اعىمداعى نىسانالى ترانسفەرتتەردىڭ بەكىتىلگەن سومالارىن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اۋدارۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ اكىمدەرى:
1) اعىمداعى نىسانالى ترانسفەرتتەردىڭ بولىنگەن سومالارىن ۋاقتىلى جانە ماقساتتى پايدالانۋدى;
2) ەسەپتى ايدان كەيىنگى ايدىڭ 15-كۇنىنە دەيىن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنە اعىمداعى نىسانالى ترانسفەرتتەردىڭ بولىنگەن سومالارىنىڭ پايدالانىلۋى تۋرالى ەسەپتەر بەرۋدى قامتاماسىز ەتسىن.
4. وسى قاۋلى 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2015 جىلعى 11 ناۋرىزداعى №123 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى
1. جالپى ەرەجەلەر
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2015 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۇدان ءارى – قاعيدالار) «2015 – 2017 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنىڭ 15-بابىنا جانە «2015 – 2017 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 11 جەلتوقسانداعى № 1300 قاۋلىسىنا سايكەس ازىرلەندى.
2. وسى قاعيدالاردا پايدالانىلاتىن نەگىزگى ۇعىمدار:
1) كەشەندى جان باسىنا شاققانداعى ءنورماتيۆتىڭ ىنتالاندىرۋشى كومپونەنتى (بۇدان ءارى – جنىك) – ۋاكىلەتتى ورگان ايقىندايتىن تارتىپپەن ينديكاتورلاردىڭ نەگىزىندە قول جەتكىزىلگەن تۇپكىلىكتى قىزمەت ناتيجەلەرى ءۇشىن مەديتسينالىق-سانيتاريالىق العاشقى كومەك (بۇدان ءارى – مساك) كورسەتەتىن دەنساۋلىق ساقتاۋ سۋبەكتىسىنىڭ قىزمەتكەرلەرىن ىنتالاندىرۋعا باعىتتالعان قۇراۋشى كەشەندى جان باسىنا شاققانداعى ءنورماتيۆتىڭ ىنتالاندىرۋشى كومپونەنتى;
2) دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ازاماتتاردىڭ دەنساۋلىعىن ساقتاۋ, مەديتسينالىق جانە فارماتسەۆتيكالىق عىلىم, مەديتسينالىق جانە فارماتسەۆتيكالىق ءبىلىم بەرۋ, دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى, مەديتسينالىق قىزمەتتەر كورسەتۋ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان;
3. وسى قاعيدالار وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن اعىمداعى نىسانالى ترانسفەرتتەردى مىناداي رەسپۋبليكالىق بيۋدجەتتىك باعدارلامالار بويىنشا پايدالانۋ ءتارتىبىن ايقىندايدى:
1) 004 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردىڭ ستيپەنديالارىنىڭ مولشەرىن ۇلعايتۋعا بەرىلەتىن اعىمداعى نىسانالى ترانسفەرتتەر»;
2) 010 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە بەرىلەتىن نىسانالى اعىمداعى ترانسفەرتتەر»;
3) 022 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدە مەديتسينالىق دەنساۋلىق ساقتاۋ ۇيىمدارىن ماتەريالدىق-تەحنيكالىق جاراقتاندىرۋعا بەرىلەتىن اعىمداعى نىسانالى ترانسفەرتتەر».
2. جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردىڭ ستيپەنديا مولشەرىن ۇلعايتۋعا رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ
4. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە بەرىلەتىن اعىمداعى نىسانالى ترانسفەرتتەر «ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە مولشەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى № 116 قاۋلىسىنا سايكەس جەرگىلىكتى اتقارۋشى ورگانداردىڭ مەملەكەتتىك ءبىلىم بەرۋ تاپسىرىسى نەگىزىندە مەديتسينالىق كوللەدجدەردە ءبىلىم الۋشىلاردىڭ ستيپەنديالارىنىڭ مولشەرىن 10 %-عا ۇلعايتۋ ءۇشىن پايدالانىلادى.
3. تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى
5. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەگىن مەديتسينالىق كومەكتىڭ كەپىلدىك بەرىلگەن كولەمىن (بۇدان ءارى – تمككك) قامتاماسىز ەتۋگە جانە كەڭەيتۋگە بەرىلەتىن اعىمداعى نىسانالى ترانسفەرتتەر:
1) سكرينينگتىك زەرتتەۋلەر جۇرگىزۋگە:
بالالار مەن ەرەسەكتەردىڭ نىسانالى توپتارى اراسىندا «ۆ» جانە «س» گەپاتيتتەرىن انىقتاۋعا;
ايەلدەر اراسىندا جاتىر موينى وبىرىن انىقتاۋعا;
ەرەسەك تۇرعىندار اراسىندا كولورەكتالدىق وبىردى ەكى كەزەڭدىك ادىسپەن انىقتاۋعا;
ەرلەر اراسىندا قۋىقاستى بەزى وبىرىن انىقتاۋعا;
تۇرعىندار اراسىندا وڭەش وبىرىن, اسقازان جانە باۋىر وبىرىن انىقتاۋعا;
ءسۇت بەزى وبىرى بويىنشا سكرينينگتىڭ ەكىنشى كەزەڭىن جۇرگىزۋگە;
2) تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋگە, سونداي-اق قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىمەن بەكىتىلگەن تمككك كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ۇيىمداستىرۋ جانە وتكىزۋ ەرەجەسىنە سايكەس قارجى ليزينگى شارتتارىندا ساتىپ الىنعان مەديتسينالىق تەحنيكا ءۇشىن ليزينگ تولەمدەرىن وتەۋ شىعىستارىنا;
3) تمككك شەڭبەرىندە اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ مەديتسينالىق كومەك (شىعىندارىن وتەۋ رەسپۋبليكالىق بيۋدجەت قاراجاتى ەسەبىنەن جۇزەگە اسىرىلاتىن جوعارى مامانداندىرىلعان مەديتسينالىق كومەكتى جانە گەمودياليز قىزمەتتەرىن قوسپاعاندا) جانە تىركەلگەن تۇرعىندارعا امبۋلاتوريالىق-ەمحانالىق كومەك كورسەتۋىنە, ونىڭ ىشىندە جنىك تولەۋ شىعىستارىنا جانە قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىنا سايكەس قارجى ليزينگى شارتتارىندا ساتىپ الىنعان مەديتسينالىق تەحنيكانى پايدالانا وتىرىپ كورسەتىلگەن مەديتسينالىق قىزمەت ءۇشىن ليزينگ تولەمدەرىن وتەۋ شىعىستارىنا;
4) امبۋلاتوريالىق-ەمحانالىق ۇيىمداردا ونكولوگيالىق, ماممولوگيالىق كابينەتتەردى, سونداي-اق ونكولوگيالىق ديسپانسەرلەردە (بولىمشەلەردە) امبۋلاتوريالىق حيميوتەراپيا كابينەتتەرىن, كونسۋلتاتسيالىق-دياگنوستيكالىق ەمحانالاردا (ورتالىقتاردا), كوپ بەيىندى اۋرۋحانالاردىڭ بولىمشەلەرىندە پروكتولوگيالىق كابينەت اشۋعا جانە ولاردىڭ جۇمىس ىستەۋىنە;
5) ونكولوگيالىق ديسپانسەرلەردە الەۋمەتتىك قىزمەتكەرلەر مەن پسيحولوگتار ۇستاۋعا;
6) ديابەتكە قارسى پرەپاراتتاردى, تۋبەركۋلەزگە قارسى پرەپاراتتاردى, گەماتولوگيالىق ناۋقاستارعا ارنالعان حيميالىق پرەپاراتتاردى, گەموفيليامەن اۋىراتىن ناۋقاستارعا قان ۇيىتۋ فاكتورلارىن, ءجىتى ميوكارد ينفاركتى بار ناۋقاستار ءۇشىن ترومبوليتيكالىق پرەپاراتتاردى, «ۆ» جانە «س» ۆيرۋستىق گەپاتيتتەرىمەن اۋىراتىن بالالاردى جانە ەرەسەكتەردى ەمدەۋگە ارنالعان دارىلىك زاتتاردى, ايتۆ ينفەكتسياسىن جۇقتىرعان ادامداردى ەمدەۋگە جانە بايلانىستا بولعاننان كەيىنگى ادامداردىڭ پروفيلاكتيكاسىنا ارنالعان رەتروۆيرۋسقا قارسى پرەپاراتتاردى, مياستەنيامەن اۋىراتىن ناۋقاستاردى ەمدەۋگە ارنالعان پرەپاراتتاردى, رەنالدىق انەمياسى بار بۇيرەك فۋنكتسياسىنىڭ سوزىلمالى جەتىسپەۋشىلىگىمەن اۋىراتىن ناۋقاستاردى ەمدەۋگە ارنالعان پرەپاراتتاردى, مۋكوۆيستسيدوزبەن, مۋكوپوليساحاريدوزبەن, گوشە اۋرۋىمەن اۋىراتىن بالالاردى ەمدەۋگە ارنالعان پرەپاراتتاردى, بىتىراڭقى بەرىشپەن اۋىراتىن ناۋقاستارعا ارنالعان پرەپاراتتاردى, امبۋلاتوريالىق دەڭگەيدە ونكولوگيالىق ناۋقاستارعا ارنالعان دارىلىك زاتتاردى (تارگەتتىك پرەپاراتتار), بەلگىلى ءبىر اۋرۋلارى: جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى بار تۇرعىنداردى امبۋلاتوريالىق دەڭگەيدە تەگىن قامتاماسىز ەتۋ ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋعا پايدالانىلادى.
6. وسى قاعيدالاردىڭ 5-تارماعىنىڭ 4) جانە 5) تارماقشالارىندا كورسەتىلگەن شىعىستاردى قوسپاعاندا, وبلىستاردىڭ, استانا مەن الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى ۋاكىلەتتى ورگان بەكىتكەن تمككك كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىنا سايكەس تمككك كورسەتۋ بويىنشا مەديتسينالىق قىزمەتتەر بەرۋشىنى تاڭداۋ ءراسىمىن جۇزەگە اسىرادى.
7. جنىك تولەۋگە بولىنەتىن نىسانالى اعىمداعى ترانسفەرتتەر تۇرىندەگى رەسپۋبليكالىق بيۋدجەت قاراجاتىنىڭ ەسەبىنەن كورسەتىلەتىن مەديتسينالىق كومەكتىڭ كولەمى مەن ساپاسىنا قاراي مەديتسينا قىزمەتكەرلەرىنە ەڭبەكاقى تولەۋ جانە سالالىق كوتەرمەلەۋ جۇيەسىنىڭ ءتارتىبى «سالالىق كوتەرمەلەۋ جۇيەسىنىڭ كەيبىر ماسەلەلەرى تۋرالى جانە كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينالىق قىزمەتكەرلەرگە ەڭبەكاقى تولەۋ جانە سالالىق كوتەرمەلەۋ جۇيەسى قاعيداسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 10 قاراشاداعى № 689 بۇيرىعىنا سايكەس جۇزەگە اسىرىلادى.
8. تاريفتەردى قالىپتاستىرۋ جانە جنىك-تى ايقىنداۋ «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلەتىن مەديتسينالىق قىزمەتتەرگە ارنالعان تاريفتەر جاساۋ مەن شىعىنداردى جوسپارلاۋ ادىستەمەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 26 قاراشاداعى № 801 بۇيرىعىمەن بەكىتىلگەن تمككك شەڭبەرىندە كورسەتىلەتىن مەديتسينالىق قىزمەتتەرگە ارنالعان تاريفتەردى جاساۋ مەن شىعىنداردى جوسپارلاۋ ادىستەمەسىنە سايكەس جۇزەگە اسىرىلادى.
9. ونكولوگيالىق ناۋقاستارعا كورسەتىلگەن مەديتسينالىق قىزمەتتەرگە اقى تولەۋ «ونكولوگيالىق ناۋقاستارعا تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە كورسەتىلگەن مەديتسينالىق قىزمەتتەرگە اقى تولەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2014 جىلعى 11 اقپانداعى № 82 بۇيرىعىمەن ايقىندالعان تارتىپپەن جۇزەگە اسىرىلادى.
اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ تمككك شەڭبەرىندە بەكىتىلگەن حالىققا مەديتسينالىق جانە امبۋلاتوريالىق- ەمحانالىق كومەك كورسەتكەنى ءۇشىن اقى تولەۋ «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىڭدە كورسەتىلگەن مەديتسينالىق قىزمەتتەر ءۇشىن اقى تولەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2014 جىلعى 17 اقپانداعى № 97 بۇيرىعىمەن بەكىتىلگەن تارتىپپەن جۇزەگە اسىرىلادى.
10. ۋاكىلەتتى ورگان تمككك قامتاماسىز ەتۋ جانە كەڭەيتۋ جونىندەگى ءىس-شارالاردى ىسكە اسىرۋ شەڭبەرىندە اعىمداعى نىسانالى ترانسفەرتتەردى ءتيىمدى پايدالانۋدى ۇيلەستىرۋدى جانە مونيتورينگتەۋدى جۇزەگە اسىرادى.
11. دارىلىك زاتتاردى ساتىپ الۋ قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىنا سايكەس جۇزەگە اسىرىلادى.
وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى جۇزەگە اسىراتىن جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى اۋرۋلارىمەن اۋىراتىن تۇرعىنداردى امبۋلاتوريالىق دەڭگەيدە دارىلىك زاتتار مەن مەديتسينالىق ماقساتتاعى بۇيىمداردى قوسپاعاندا, وسى قاعيدالاردىڭ 5-تارماعىنىڭ 6) تارماقشاسىندا كورسەتىلگەن قازاقستان رەسپۋبليكاسىنىڭ ۇكىمەتى ايقىندايتىن دارiلiك زاتتاردى ساتىپ الۋدى ۇيىمداستىرۋشى دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋ جانە ولارمەن قامتاماسىز ەتۋ جونىندەگى بىرىڭعاي ديستريبيۋتور بولىپ تابىلادى.
12. وبلىستاردىڭ, استانا جانە الماتى قالالارىنىڭ اكىمدەرى تمككك-نى قامتاماسىز ەتۋ جانە كەڭەيتۋ جونىندەگى ءىس-شارالاردى ىسكە اسىرۋ شەڭبەرىندە:
1) وسى قاعيدالارعا 5-تارماقتا كورسەتىلگەن ءىس-شارالار وتكىزۋدى;
2) «بەكىتىلگەن حالىق تىركەلىمى» پورتالىندا (بۇدان ءارى – «بحت» پورتالى) ءوڭىر حالقى بويىنشا, ونىڭ ىشىندە بيۋدجەتتى قالىپتاستىرۋ ءۇشىن دەرەكتەردىڭ دۇرىستىعى مەن دايەكتىلىگىن جانە ولاردى قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 جىلعى 5 قاڭتارداعى № 7 بۇيرىعىمەن ايقىندالعان تارتىپپەن وزەكتەندىرۋدى;
3) «امبۋلاتوريالىق-ەمحانالىق كومەك»; «اۋىلدىق دەنساۋلىق ساقتاۋ»; «ستاتسيونارلىق ناۋقاستاردىڭ ەلەكتروندىق تىركەلىمى»; «جان باسىنا شاققانداعى ءنورماتيۆتىڭ قوسىمشا كومپونەنتى»; «ونكولوگيالىق ناۋقاستاردىڭ ەلەكتروندىق تىركەلىمى» اقپاراتتىق جۇيەلەرىنە دەنساۋلىق ساقتاۋ سۋبەكتىلەرى ەنگىزگەن ءوڭىر حالقىنا كورسەتىلگەن قىزمەتتەر بويىنشا دەرەكتەردىڭ دۇرىستىعى مەن دايەكتىلىگىن;
4) مساك كورسەتەتىن دەنساۋلىق ساقتاۋ سۋبەكتىلەرى قىزمەتىنىڭ تۇپكىلىكتى ناتيجەلەرىنە قول جەتكىزگەنى ءۇشىن تمككك شەڭبەرىندە اقى تولەۋ قاعيدالارىمەن «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىڭدە كورسەتىلگەن مەديتسينالىق قىزمەتتەر ءۇشىن اقى تولەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2014 جىلعى 17 اقپانداعى № 97 بۇيرىعىمەن ايقىندالعان تارتىپپەن جنىك تولەۋدى;
5) «قارجى ليزينگى شارتتارىندا ساتىپ الىنعان مەديتسينالىق تەحنيكا ءۇشىن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتەتىن دەنساۋلىق ساقتاۋ ۇيىمدارىنا ليزينگ تولەمدەرىن ەسەپتەۋ ادىستەمەسىن جانە تولەۋ ءتارتىبىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2014 جىلعى 12 جەلتوقسانداعى № 322 بۇيرىعىندا ايقىندالعان تارتىپپەن قارجى ليزينگى شارتىندا ساتىپ الىنعان مەديتسينالىق تەحنيكانى پايدالانا وتىرىپ, كورسەتىلگەن مەديتسينالىق قىزمەتتەر ءۇشىن ليزينگ تولەمەرىن تولەۋدى;
6) ۋاكىلەتتى ورگانمەن تمككك-ءنى قامتاماسىز ەتۋگە جانە كەڭەيتۋگە اعىمداعى نىسانالى ترانسفەرتتەر بويىنشا تىكەلەي جانە تۇپكىلىكتى ناتيجەلەردىڭ كورسەتكىشتەرىن كەلىسۋدى;
7) ۋاكىلەتتى ورگانمەن كەلىسۋ بويىنشا ايقىندالعان تمككك-ءنى قامتاماسىز ەتۋگە جانە كەڭەيتۋگە نىسانالى اعىمداعى ترانسفەرتتەر بويىنشا تىكەلەي جانە تۇپكىلىكتى ناتيجەلەرگە قول جەتكىزۋدى;
8) امبۋلاتوريالىق دەڭگەيدە دارىلىك زاتتارمەن جانە مەديتسينالىق ماقساتتاعى بۇيىمداردى قامتاماسىز ەتىلەتىن ناۋقاستاردىڭ ەلەكتروندىق تىركەلىمدەرىن قالىپتاستىرۋدى;
9) رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردىڭ ەسەبىنەن ساتىپ الىناتىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ پايدالانىلۋىنا مونيتورينگ جۇرگىزۋدى;
10) جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازاننىڭ جانە ۇلتاباردىڭ ويىق جاراسى اۋرۋلارى بويىنشا حالىقتىڭ جەكەلەگەن ساناتتارىنا دارىلىك زاتتاردى جانە مەديتسينالىق ماقساتتاعى بۇيىمداردى ساتىپ الۋعا جەرگىلىكتى بيۋدجەتتەن رەسپۋبليكالىق بيۋدجەتتەن اعىمداعى نىسانالى ترانسفەرتتەردەن بولىنەتىن قاراجاتقا تەڭ مولشەردە قاراجات ءبولۋدى قامتاماسىز ەتەدى.
4. جەرگىلىكتى دەڭگەيدە مەديتسينالىق دەنساۋلىق ساقتاۋ ۇيىمدارىن ماتەريالدىق-تەحنيكالىق جاراقتاندىرۋعا رەسپۋبليكالىق بيۋدجەتتەن بەرىلەتىن اعىمداعى
نىسانالى ترانسفەرتتەردى پايدالانۋ ءتارتىبى
13. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدە دەنساۋلىق ساقتاۋ ۇيىمدارىن ماتەريالدىق-تەحنيكالىق جاراقتاندىرۋعا بەرىلەتىن اعىمداعى نىسانالى ترانسفەرتتەر مەديتسينالىق تەحنيكانى, مەديتسينالىق ەمەس جابدىقتاردى, مەديتسينالىق ماقساتتاعى بۇيىمداردى ساتىپ الۋعا پايدالانىلادى.
14. ۋاكىلەتتى ورگان وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىمەن كەلىسۋ بويىنشا «دەنساۋلىق ساقتاۋدىڭ مەملەكەتتىك ۇيىمدارىن مەديتسينالىق تەحنيكا جانە مەديتسينالىق ماقساتتاعى بۇيىمدارمەن جاراقتاندىرۋدىڭ مينيمالدى ستاندارتتارىن (نورماتيۆتەرىن) بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 27 قازانداعى № 850 بۇيرىعىمەن بەكىتىلگەن مەملەكەتتىك دەنساۋلىق ساقتاۋ ۇيىمدارىن مەديتسينالىق تەحنيكامەن جانە مەديتسينالىق ماقساتتاعى بۇيىمدارمەن جاراقتاندىرۋدىڭ ەڭ تومەنگى ستاندارتتارىنا (نورماتيۆتەرگە) سايكەس جەرگىلىكتى دەڭگەيدە دەنساۋلىق ساقتاۋ ۇيىمدارى ءۇشىن ساتىپ الىناتىن مەديتسينالىق تەحنيكانىڭ, مەديتسينالىق ەمەس جابدىقتىڭ, سونداي-اق مەديتسينالىق ماقساتتاعى بۇيىمداردىڭ قاجەتتىلىگىن ءاربىر ءوڭىر بويىنشا ايقىندايدى.
جەرگىلىكتى دەڭگەيدەگى دەنساۋلىق ساقتاۋ سۋبەكتىلەرى ءۇشىن مەديتسينالىق تەحنيكاعا, مەديتسينالىق ەمەس جابدىققا, سونداي-اق مەديتسينالىق ماقساتتاعى بۇيىمدارعا قاجەتتىلىكتىڭ نەگىزىندە ۋاكىلەتتى ورگان اعىمداعى نىسانالى ترانسفەرتتەر سوماسىن پايدالانۋ باعىتىن جانە مەديتسينالىق ۇيىمداردى ماتەريالدىق-تەحنيكالىق جاراقتاندىرۋعا وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە بەرىلەتىن اعىمداعى نىسانالى ترانسفەرتتەردىڭ شەڭبەرىندە ساتىپ الىناتىن مەديتسينالىق تەحنيكانىڭ, مەديتسينالىق ەمەس جابدىقتىڭ, مەديتسينالىق ماقساتتاعى بۇيىمداردىڭ تىزبەسىن ايقىندايدى.
15. مەديتسينالىق ەمەس جابدىقتى, مەديتسينالىق ماقساتتاعى بۇيىمداردى ساتىپ الۋدى ۇيىمداستىرۋدى وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى مەملەكەتتىك ساتىپ الۋ تۋرالى زاڭناماعا سايكەس, مەديتسينالىق تەحنيكانى – قازاقستان رەسپۋبليكاسىنىڭ ۇكىمەتى ايقىنداعان زاڭدى تۇلعا قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىنا سايكەس ۋاكىلەتتى ورگان ايقىنداعان سومالاردى پايدالانۋ باعىتى مەن ساتىپ الىناتىن مەديتسينالىق تەحنيكانىڭ, مەديتسينالىق ەمەس جابدىقتىڭ, مەديتسينالىق ماقساتتاعى بۇيىمداردىڭ تىزبەسى شەڭبەرىندە جۇزەگە اسىرادى.
5. نىسانالى اعىمداعى ترانسفەرتتەر بويىنشا قاراجاتتى پايدالانۋ, ەسەپتىلىك
16. ۋاكىلەتتى ورگان وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تولەمدەر بويىنشا ءتيىستى بيۋدجەتتىك باعدارلامانى قارجىلاندىرۋدىڭ جەكە جوسپارىنىڭ نەگىزىندە نىسانالى اعىمداعى ترانسفەرتتەر اۋدارۋدى جۇرگىزەدى.
17. اعىمداعى نىسانالى ترانسفەرتتەردى پايدالانۋ كەزىندە ۇنەمدەۋ پايدا بولعان جاعدايدا وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى ۋاكىلەتتى ورگانمەن كەلىسۋ بويىنشا ۇنەمدەۋ سوماسىن بيۋدجەتتىك باعدارلامالار ناتيجەلەرىنىڭ كورسەتكىشتەرىن جاقسارتۋعا پايدالانادى.
18. قانداي دا ءبىر وبلىس, استانا جانە الماتى قالالارى بولىنگەن قاراجاتتى تولىق يگەرمەگەن جاعدايدا, ۋاكىلەتتى ورگان زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە نىسانالى ترانسفەرتتەردىڭ سومالارىن وبلىستاردىڭ جانە استانا مەن الماتى قالالارىنىڭ اراسىندا قايتا ءبولۋ تۋرالى ۇسىنىس ەنگىزەدى.
19. ۋاكىلەتتى ورگان قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن تارتىپپەن جانە مەرزىمدە قازاقستان رەسپۋبليكاسى قارجى مينيسترلىگىنە ەسەپتىلىك بەرەدى.